06.11.2023

Yashil makon

Toshkent kimyo-texnologiya instituti Shahrisabz filialida “Yashil makon” umummilliy loyihasi doirasida 273 tup mevali va manzarali ko’chatlar o‘tqazildi.

Hamkorlik uchrashuvi

Joriy yilning 2-6-noyabr kunlari xizmat safari bilan Qoraqalpogiston Respublikasining Nukus shahrida bo’lib turgan TKTI Shahrisabz filialining “Oziq-ovqat mahsulotlari texnologiyasi” kafedrasi professor-oqituvchilari Xasan Berdimurodov, Feruz Qobilov, Erkinjon Rahmonov, Yoshlar yetakchisi Akobir Turaboyev va filial talabalari Abduraufxon Ergashev, Orifjon Norov, Adhamjon Alijonovlar kuni Berdaq nomidagi Qoraqalpogiston Davlat Universitetiga tashrif buyurishdi. Dastlab “Biologiya” fakeltetida bo’lib, ilmiy-tadqiqot va o’quv laboratoriya xonalari bilan yaqindan tanishishdi. Zamonaviy laboratoriya uskunalari, qurilma va jihozlari o’rganildi. Universitet professor-oqituvchilari bilan o’zaro fikr, bilim va ko’nikmalar almashildi. Qiziqarli laboratoriya va tajriba amalga oshirildi.  So’ngra universitet Yoshlar yetakchisi Davronbek Abadanov bilan birga Universitetning ma’muriy, o’quv binolari, madaniyat saroyi va talabalar turar joyida bo’lib, u yerdagi talabalarga yaratilgan shart-sharoitlar, zamonaviy kompyuter xonalari, sport maydonlari va kutubxona bilan tanishildi.  Tashrif davomida o’zaro tajriba almashildi va mustahkam hamkorlik aloqalario’rnatildi. Tanishuv davom etmoqda. Report content on this page

Talabalikka bag’ishlov-2023.

Joriy yilning 2-noyabr sanasida TKTI Shahrisabz filialida 2023-2024-o’quv yilida 1-bosqichga qabul qilingan talabalar uchun “Talabalikka bag’ishlov” tadbiri Shahrisabz shahrining Madaniyat saroyida bo’lib o’tdi. Ma’naviy-ma’rifiy tadbir O‘zbekiston Respublikasi madhiyasi bilan ochib berildi. Filial direktori Mutalov Shuhrat Axmadjonovich so‘zga chiqib, bu yilgi o‘quv yiliga qabul qilingan talaba-yoshlarga talabalik baxti nasib etganligi bilan tabriklab, kelajakda o’z kasbining yetuk mutaxassisi bo‘lib yetishishlarida filial rahbariyati tomonidan kerakli sharoitlar yaratib berilishini ta’kidladi. Talabalarga filialning rahbar xodimlari tanishtirildi. Shundan so’ng, talabalar o‘z qasamyodlarini qabul qilar ekan, butun faoliyatlarini ona diyorimiz va uning buyuk kelajagiga bahshida etishga, Vatan taraqqiyoti yo‘lida astoydil harakat qilib yuqori malakali mutaxassis bo‘lishga, ota-ona oldidagi farzandlik burchini unutmaslik, uni to‘la ado etish uchun bor bilimlarini bag‘ishlashga, tanlangan mutaxassislik bo‘yicha amaliy bilim va ko‘nikmalarni muntazam ravishda o‘zlashtirishga, o‘quv rejasi va dasturlarda belgilangan mashg‘ulotlarni o‘z muddatida bajarish va o‘quv mashg’ulotlariga doimiy ravishda qatnashishga, olingan kasbiy bilimlardan foydalanib, muhandislik kasbini puxta egallash va mamlakatimiz iqtisodiyotini rivojlantirishga hissa qo‘shish, filialning ichki qoidalariga rioya qilishni o‘zlarining muqaddas burchi deb hisoblash kabi so‘zlar bilan tantanali ravishda qasamyod qildilar.

“Milliy kurash” bo‘yicha “VAZIR KUBOGI” turniri

1-noyabr kuni Toshkent kimyo-texnologiya instituti Shahrisabz filiali talaba yoshlari o‘rtasida Shahrisabz shahar Madaniyat saroyi sport zalida “Milliy kurash” bo‘yicha “VAZIR KUBOGI” turniri tashkil etildi. Musobaqada quyidagi vazn toifalarida g`olib va sovrindorlar aniqlandi: Qizlar o`rtasida +57 kg vaznda 1-o`rin Kuchkarbayeva Shaxnozabonu 2-o`rin Sohibova Zuhra 3-o`rin Ochildiyeva Gavhar O`gil bolalalar o`rtasida +66 kg vaznda: 1-o`rin Suyunov Firdavs 2-o`rin Xoliqov Davlatbek 3-o`rin Boltayev Laziz O`gil bolalalar o`rtasida +73 kg vaznda: 1-o`rin Tohirov Arslon 2-o`rin Hayitov Mingyashar 3-o`rin Soatov Otabek O`gil bolalalar o`rtasida +81 kg vaznda: 1-o`rin Begaliyev Maxmatqul 2-o`rin O`zbekxonov Sardor 3-o`rin Baratov Azamat O`gil bolalalar o`rtasida +90 kg vaznda: 1-o`rin Xolmurodov Saidbek 2-o`rin Yorov Mirkomil 3-o`rin Raxmatov Umidjon Report content on this page

TKTI Shahrisabz filialida soha vakillari bilan uchrashuv bo’lib o’tdi.

2023-yilning 31-oktyabr kuni Toshkent kimyo-texnologiya instituti Shahrisabz filialida talabalarni kelgusidagi kasbiy faoliyatga yo’naltirish bo’yicha sohaning yetakchi ish beruvchi korxonalari vakillari ishtirokida “Bitiruvchilar forumi” bo’lib o’tdi. Davra suhbatini TKTI Shahrisabz filiali direktorining o’quv ishlari bo’yicha o’rinbosari B.Sh.Sirojov kirish so’zi bilan ochib berdi va ushbu “Bitiruvchilar forumi” barcha ishtirok etayotgan talaba yoshlar va professor-o’qituvchilar uchun manfaatli bo’lishligiga umid bildirdi.  Shundan so’z, so’z navbati Shahrisabz konserva zavodi laboranti vazifasida mehnat qilib kelayotgan G.Dusanovaga, Shahrisabz “Don xalq rizqi” AJ   laboranti R.R.Mirzayevaga, Shahrisabz vino-aroq zavodi texnologi Sh.V.Buzrukovlarga berildi va ular bugungi kundagi korxonalar faoliyati, asosiy vazifalari, jihozlari, laboratoriyasi hamda ishlab chiqarish quvvati to’g’risida birma-bir so’zlab berishdi. Bundan tashqari hozirgi kunda davlatlar va ta’lim, fan va texnologiyalar shiddat bilan rivojlanib borayotganligi bois yurtimiz taraqqiyoti uchun yosh bilimli mutaxassislarga talab yuqori ekanligini ta’kidlab o’tishdi. Umid qilamizki, ushbu forum talabalarimiz uchun juda foydali bo’ldi, chunki ular soha mutaxassislaridan aniq va kerakli maslahatlar hamda o’zlarini qiziqtirgan savollarga to’liq javob olish imkoniga ega bo’lishdi. Report content on this page

“FINLIT.UZ BILAN MOLIYAVIY FAROVONLIK SARI” MAVZUSIDA MOLIYAVIY SAVODXONLIK BO’YICHA AMALIY TRENING.

Toshkent kimyo-texnologiya instituti Shahrisabz filialida filialida talabalarning shaxsiy moliyaviy xavfsizlikni taʼminlash maqsadida Markaziy bank tomonidan “Moliyaviy savodxonlikni birgalikda oshiramiz” mavzusida amaliy trening tashkil etildi. Ushbu treningda Qarshi davlat universiteti Iqtisodiyot fakulteti volontyor talabalari A. Muratov, O. Bakirova va D.Isroilovalar o’z ma’ruzalari bilan ishtirok etishdi.

“Pivo va alkogolsiz ichimliklar texnologiyasi” fanidan Ochiq dars.

2023-yil 30-oktabr kuni Toshkent kimyo-texnologiya instituti Shahrisabz filiali “Oziq-ovqat mahsulotlari texnologiyasi” kafedrasi assistent-o’qituvchilari G’.Evatov, Sh.Bozorov va Sh.Buzrukovlar tomonidan “Pivo va alkogolsiz ichimliklar texnologiyasi” fanidan “DEGUSTATSIYA O’TQAZISHNI TARTIB VA SHARTLARI” mavzusidagi amaliy ochiq dars mashg’uloti tashkil etildi. Maqsad, talabalar ishtirokida Pivo, vino va konyak mahsulotlardagi spirt quvvati, hidi, ta’mi, rangi va shakar miqdorini laboratotiya usulda aniqlash.  Degustatsiya “VINO VA BIJG’ISH MAHSULOTLARI ALKAGOLSIZ ICHIMLIKLAR TEXNOLOGIYASI ” yo’nalishi 22-20-guruhi talabalari ishtirokida amalga oshirildi. Talabalar guruhlarga bo’linib, Pivo, Quruq vino, Quvvatlangan vino, Disert vino va Konyaklarni organoliptik sifat   ko’rsatgichlarini o’zlari baholab borishdi. Report content on this page

Milliy qadriyatlar kuni

Toshkent kimyo-texnologiya instituti Shahrisabz filiali Xotin-qizlar bo’yicha dekan maslahatchisi N.Shapsanova va bir guruh talaba-qizlarning 31-oktabr kuni “Milliy qadriyatlar kuni” munosabati bilan Gulnora Choriyeva rahbarligidagi Shahrisabz Xunarmandlar Uyushmasiga tashrifidan lavhalar. Shahrisabzda qadimdan aravi gilam to’qish, iroqi kashtachilik va zardo’zlik milliy hunarmandchilik yo’nalishlari keng rivojlangan.Shu bois, iroqi kashtachilik bo’yicha xalqaro festival joriy yilning 17-18 avgust kunlari O’zbekistonda birinchi marta Shahrisabz shahrida o’tkazildi.

“YASHIL MAKON” UMUMMILLIY LOYIHASI AMALDA

Yurtimizni barcha hududlarida “Yashil makon” umummilliy loyihasi tadbirlari muntazam tashkil etib kelinmoqda. Ushbu loyihani amalga oshirishga faol hissa qo‘shish maqsadida, Toshkent kimyo-texnologiya instituti Shahrisabz filiali tyutorlari M.Sobirova va I.A’zamovlar “FOBMT” va “OOT” yoʻnalish talabalari bilan filial hududiga “Yashil makon” umummilliy loyihasi doirasida mevali va manzarali daraxtlar o’tqazdilar.

Qarshi irrigatsiya va agrotexnologiyalar instituti yoshlari filialimiz mehmoni

Qarshi irrigatsiya va agrotexnologiyalar instituti yoshlari filialimiz me “TIQXMMI” MTUning Qarshi irrigatsiya va agrotexnologiyalar institutidan 7 nafar professor-o’qituvchi va “O’simlikshunoslik”, “Chorvachilik”, “Qishloq xo’jalik mahsulotlarini saqlash va qayta ishlash texnologiyasi” yo’nalishlaridan 26 nafar talaba-yoshlar Toshkent kimyo-texnologiya instituti Shahrisabz filialiga tashrif buyurishdi.   Uchrashuv chog’ida  mehmonlar filialda yaratilgan shart-sharoit: fizika va kimyo laboratoriya, kompyuter xonalari, ishlab chiqarish ustaxonalari, sport zallari faoliyati hamda filialda tashkil etilgan bitiruvchilarning o‘z tadbirkorlik faoliyatini boshlashlariga ko‘maklashuvchi o‘quv-ilmiy ishlab-chiqarish laboratoriyasi bilan yaqindan tanishtirildi.  Yetakchi Oliy ta’lim muassasalari bilan istiqbolli hamkorlik aloqalarini yaqindan yo’lga qo’yish, o’quv jarayoniga eng zamonaviy pedagogik texnologiyalarni keng joriy etish kabi masalalar muhokama qilindi. Uchrashuv asosida kelajakda mazkur ta’lim muassasasi bilan hamkorlik aloqalarini rivojlantirishga kelishib olindi. Report content on this page

Scroll to Top