Mamlakatimizda – soʻz mulkining sultoni hamda shoh va shoirning tavallud kunlarini keng nishonlash an’anaga aylangan. Bu yil bobokalonlarimiz Alisher Navoiyning 582-yilligi va Zahiriddin Muhammad Boburning 540-yillik tavallud kunlari keng nishonlanmoqda.
Toshkent kimyo-texnologiya instituti Shahrisabz filialida ushbu kun munosabati bilan “Ajdodlar ruhi mangu barhayot” nomli tadbir bo’lib o’tdi. Unda filial professor-o’qituvchilari, tyutorlar va talaba yoshlar ishtirok etishdi.
Tadbirni filial direktori Sh.Mutalov kirish soʻzi bilan ochib, bobokalonlarimiz hayot yoʻllari haqida oʻz qarash va mulohazalarini bildirib oʻtdi.
Tadbir avvalida so’zga chiqqanlar Alisher Navoiy va Zahiriddin Muhammad Bobur hayoti va ularning o`zbek davlatchilik tarixida tutgan o`rinlari haqida ma’lumotlar berishdi.
Mazkur tadbirda ulug’ mutafakkir bobomiz ijodiga bag’ishlab sahna ko’rinishlari, ruboiy va g’azallari talabalar tomonidan ijro etildi. 2-sonli musiqa va san`at maktab o`qituvchilari Xasan va Xusan Beknazarovlar tomonidan ijro etilgan kuy-qo`shiqlar barchaga xush kayfiyat bag`ishladi.
Tadbir so‘nggida respublika hamda filial miqyosida tashkil etilgan tanlovlarda g’olib bo’lgan talabalar filial rahbariyati tomonidan diplom va esdalik sovg’alari bilan taqdirlandilar