Yangiliklar

S.Toshev, A.Sattorov, M.Dolliyev, O.Ne`matov, I.Normurodov, N.Qahhorovlar rahbarligida KT yoʻnalishi 4-20 va 14-20-guruh talabalari Dehqonobod kaliy zavodida ishlab chiqarish amaliyotida M.Boboyev, F.Abduhamidova, A.Abdurashitovlar rahbarligida VBMAIT yoʻnalishi 19-21, 20-21, 21-21, 22-21-guruh talabalari Shahrisabz shahar “Vino-aroq” AJ da tanishuv amaliyotida TMJ yoʻnalishi 9-20-guruh talabalari Qarshi neft-bazasi MCHJ Shahrisabz filialida ishlab chiqarish amaliyotini Ta’lim va ishlab chiqarish integrasiyasiga erishish maqsadida talabalarimizning o‘z tanlovlari asosida tashkil etilgan ishlab chiqarish va tanishuv amaliyotlari davom etmoqda. Jumladan: Sh.Nasimov, Yu.Qiyomova, Sh.Toshboboyevlar rahbarligida MSM yoʻnalishi 1-21, 2-21, 3-21 guruh talabalari ,,Uzstandart” agentligi Qarshi filialida tanishuv amaliyotida  

Barcha turdagi amaliyotlar talabalarning kasbiy o‘z-o‘zini anglashida va ularning o‘z kasbi bo‘yicha ishlashiga mehr oshishida ijobiy ta’sir ko‘rsatadi. Ta’lim va ishlab chiqarish integrasiyasiga erishish maqsadida, Toshkent kimyo-texnologiya instituti Shahrisabz filiali viloyatlarda joylashgan yirik sanoat korxonalari bilan samarali hamkorlik o‘rnatgan va bugungi kunda talabalarimiz o‘z tanlovlari asosida ushbu korxonalarda amaliyot o‘tashmoqda. Amaliyotlar nufuzli korxonalarda olib borilmoqda. Jumladan: A. Jo`raqulov va D.Xayriyevalar rahbarligida TJA yoʻnalishi 4-21, 5-21, 6-21 guruh talabalari ʼʼOQSAROY TEXTILEʼʼ MCHJ da tanishuv amaliyotini Sh.Toʻrayev va R.Sariyevlar rahbarligida TMJ yoʻnalishi 10-20 guruh talabalari Respublika boʻyicha tegirmonlarni oʻrnatib berish va butlovchi qismlar bilan taminlashga muljallangan “ERKAN MECHINERY” MCHJ da ishlab chiqarish amaliyotini M.Haqnazarova rahbarligida TMJ yònalish talabalari Shahrisabz «Don-Xalq Rizqi» korxonasida tanishuv amaliyotini o`tashmoqda.

Toshkent kimyo-texnologiya instituti Shahrisabz filialida siyosiy fanlar doktori, professor To’lqin Alimardonov tomonidan “Amir Temur adolat timsoli” mavzusidagi o’quv-amliy seminar darsi tashkil etildi. Seminar darsda filial barcha  professor-o’qituvchilari ishtirok etishdi. Uni o’quv ishlari bo’yicha direktor o’rinbosari B.Sh.Sirojov ochib berdi. Professor tomonidan dastlab Amur Temurning tarixda tutgan o`rni va hayot yo`li, ya`ni sarkardaning 150 yil mo’g’ul istilosida bo’lgan xalqlarning xaloskori bo’ganligi va ko’plab amalga oshirgan ishlari, Amur Temur imperiyasi haqida batafsil ma’lumot berildi. Qadimgi turkiy xalqlar falsafasi, Amur Temurning davlat konsepsiyasi tuzilishi, “saltanatni boshqarishning o’n ikki shiori”, “davlatning o’n ikki toifasi”, “jamiyatning tabaqalanishi” kabi tushunchalar haqida so’z yuritilib, ayrim hikmatli so’zlariga izohlar berib o`tildi. Bir so’z bilan aytganda, Amir Tumur bobomizning tarixda tutgan o’rni beqiyosdir. Uning jamiyat rivoji, xalq farovonligi, yurt tinchligi uchun qilgan ezgu ishlarini, olib borgan adolatli siyosatini biz hech qachon unutmasligimiz lozim.

O’zbekiston Respublikasi Prezidenti Sh.M.Mirziyoyevning 2017-yilning 15-iyun kuni Tosheknt shahridagi Simpoziumlar saroyida diniy soha vakillari bilan uchrashuvda Islom dini ma’rifati va uning yoshlar hayotida tutgan o’rni, buyuk alloma va mutafakkirlarimizning jahon ilm-fani va madaniyati rivojiga qo’shgan bebaho xissasini dunyo jamoatchiligiga yetkazish, diniy-ma’rifiy qadryatlarimizni targ’ib va tadqiq qilish maqsadida Toshkent shahrida Markaz tashkil etish taklifini kiritdilar. Muhim tarixiy ahamiyatga ega bo’lgan ushbu ezgu taklifni amalga oshirish maqsadida qabul qilingan O’zbekiston Respublikasi Prezidentining 2017-yil 23-iyundagi “O’zbekiston Respublikasi Vazirlar Mahkamasi huzurida O’zbekiston Islom madaniyati markazini tashkil etish chor-tadbirlari to’g’risida”gi  PQ-3080-son qaroriga asosan Markaz faoliyati tashkil etildi. O’zbekiston Islom sivilizatsiyasi markazi faoliyatiga O’zbekiston Respublikasi Prezidentining 2021-yil 16-iyul PQ-5186-son Qarorining 2-bandiga asosan “Muqaddas islom dini bilan bog’liq boy merosni imiy tadqiq etish, uning Markaziy Osiyo sivilizatsiyasi rivojidagi o’rnini innovatsion usullar orqali targ’ib qilish” hamda joriy yil 8-aprel kuni davlat rahbarining markazga tashrifi doirasida Islom sivilizatsiyasi taqdimoti Respublika viloyatlar va xalqaro miqyosda o’tkazilishi topshirildi. Shu munosabat bilan, joriy yilning 18-may kuni Toshkent kimyo-texnologiya instituti Shahrisabz filialida “Yangi O`zbekiston Uchinchi renessans poydevori” mavzusidagi Islom siivilizatsiyasi taqdimot tadbiri bo’lib o’tdi. Unda Markaz bosh ilmiy xodimi – Mirzayev Nasriddin, Xatotlik bo’limi boshlig’i – Ma’matov Islom, Konservatsiya va Restavratsiya bo’limi boshlig’i – Po’latov Shuxratilla, Shahrisabz xattotlik bo’limidan – Musurmonov Bahodir hamda filial professor-o`qituvchilari va talabalar ishtirok etishdi. Tadbirni filial direktori professor Sh.A.Mutalov ochib berdilar. . So`ngra markaz bosh ilmiy xodimi Mirzayev Nasriddin so’zga chiqib, Allomalarning islom dini hamda fanga qo’shgan xissalari va Milliy reestr yuritish, qo’lyozmalar xususida to`xtalib o’tdilar. So’zni Restavratsiya bo’limi boshlig’i Po’latov Shuxratilla davom ettirib, qo’lyozmalarni asrash, restavratsiya ishlari haqida ma’lumotlar berdilar. Xattotlik bo’limi boshlig’i Mamatov Islom xattotlik san’ati, arab yozuvi turlari va markaz binosining portallari haqida tushunchalar berib, o`zlarining qo`l amaliy san`ati esdalik sovg`alarini topshirdilar. Tadbir so’ngida barcha savollariga javob berildi.

Butun dunyoda 1994 yildan beri 15-may “Xalqaro oila kuni” sifatida nishonlanib kelmoqda. O’zbekiston Respublikasi Prezidentining 2018 yil 27 iyundagi “O’zbekiston Respublikasida oila institutini mustahkamlash konsepsiyasini tasdiqlash to’g’risida”gi PQ-3808-son qaroriga muvofiq, 15 may har yili “Xalqaro oila kuni” sifatida respublika bo’ylab keng nishonlanishi belgilab qo’yildi.  Ushbu kunning belgilanishidan maqsad, jahon hamjamiyati diqqatini oilaviy qadriyatlarga va oila instituti bilan bog’liq muammolarga qaratishdir 15-may-“Xalqaro oila kuni” munosabati bilan Toshkent kimyo-texnologiya instituti Shahrisabz filiali ma`naviyat xonasida Shahrisabz shahar ko`p tarmoqli poliklinika “Oila ava nikoh” bo`limi boshlig`i S.I.Xazratqulova, filial profilaktika inspektori katta leytenant N.B.Nosirov, xotin-qizlar masalalari bo`yicha dekan maslahatchisi N.Shapsanova hamda talabalar ishtirokida “OILA-MUQADDAS QO’RG’ON” mavzusidagi davra suhbati tashkil etildi. Suhbat jarayonida oilaning muqaddas ekanligi, uni asrab-avaylash zarurligi, oila mustahkamligida qanoat, sabr, go’zal xulq, shirin muomalaning o’rni beqiyosligi, zero, “Mustahkam oila-yurt tayanchi” ekanligi talabalarga etkazildi. Talabalar mavzu yuzasidan o’zlarini qiziqtirgan savollarga javob oldilar.Davra suhbati qizg’in munozara va tahlillarga boy bo’ldi.

O‘tayotgan har bir kun tarixning bir unutilmas sahifasiga aylanadi. Siz-u biz bilan yashayotgan insonlar amalga oshirayotgan ezgu ishlar kelajak avlod uchun ibrat namunalari bo‘lishida esa kitobning alohida o‘rni va ahamiyati beqiyos. Kitob — hayot hikmatlarini o‘rgatuvchi javohirlar sandig‘i. U kishida ota-onaga mehr-muhabbat, el-yurtga yaqinlik, Vatanga muhabbatni ongu shuurga singdiradi. Toshkent kimyo-texnologiya instituti Shahrisabz filiali direktori professor Sh.A.Mutalov tashabbuskorligida va homiyligida nashr etilgan filial TMJ yo‘nalishi 2-kurs talabasi Usmonova Matlubaning “Qalb gavhari” nomli she`riy kitobi taqdimoti bo‘lib o‘tdi. Taqdimotda dastlab ushbu kitobning mazmun-mohiyati haqida so‘z yuritildi, kitobda joy olgan tarbiyaviy ahamiyatga ega bo‘lgan satrlarga talabalar hamda ishtirokchilar tomonidan ijobiy fikrlar bildirildi.

Bugun Qashqadaryo viloyati Adliya boshqarmasi tomonidan “Fuqarolar davlat organlariga emas, davlat organlari fuqarolarga xizmat qilishi kerak!” shiori ostida aholining huquqiy ongini, huquqiy madaniyatini yuksaltirishga hamda qonuniylikni mustahkamlashga qaratilgan “Adliya sayli” bo`lib o`tmoqda. Saylda viloyat adliya huquqiy boshqarmasi  vakillari, FHDYO, davlat xizmatlari markazi, OAV, jurnalist va blogerlar hamda Toshkent kimyo-texnologiya instituti Shahrisabz filiali jamoasi faol ishtirok etishmoqda. Dastlab sayl “Sog`lom hayot sari 5000 qadam” shiori ostidagi huquqiy marshi bilan boshlandi va Ko‘kgumbaz obidasi oldidan start berildi. So`ngra, Shahrisabz shahar hokimi Akrom Sulaymonov sayl ishtirokchilariga tadbirning ahamiyati va mohiyati haqida tushuntirish berdi Amir Temur muzeyida tashkil etilgan “Temur tuzuklari bilimdonlari” tanlovida Toshkent kimyo-texnologiya instituti Shahrisabz filialining Yoshlar bilan ishlash, ma’naviyat va ma’rifat bo’limi boshlig’i Sadullayev Oybek boshchiligidagi 3-bosqich talabalaridan iborat jamoasi faol ishtirok etib, faxrli  2-oʻrinni egallab, qimmatbaho sovg`alarga ega bo`lishdi. Sayl davom etmoqda.

Joriy yilning 10-may kuni Toshkent kimyo-texnologiya instituti Shahrisabz filialiga Oliy va o‘rta maxsus ta’lim vazirligining Oliy ta’lim muassasalari faoliyatini muvofiqlashtirish bosh boshqarmasi boshlig‘i Xoliqov Abduvali Jonizoqovich tashrif buyurdi. Dastlab fizika va kimyo laboratoriya xonalari faoliyati bilan yaqindan tanishdilar.  Shuningdek, filialda talabalar, ilmiy izlanuvchilar hamda professor-o‘qituvchilar uchun yaratilgan sharoitlar,  amalga oshirilayotgan ishlar, taʼlim sifati jarayonlari, ilmiy salohiyat,  masofaviy o‘qitish tizimida foydalanilayotgan moodle va HEMIS dasturlarining kamchiliklari va afzalliklari haqida o‘zaro fikr almashdilar. Filial ma`naviyat xonasida tyutorlar bilan alohida suhbat o`tkazildi. Shundan soʻng, TKTI Shahrisabz filialida tashkil etilgan bitiruvchilarning o‘z tadbirkorlik faoliyatini boshlashlariga ko‘maklashuvchi o‘quv-ilmiy ishlab-chiqarish laboratoriyasi bilan tanishishdi va o`z fikr-mulohazalarini bildirishdi.

Vazirlar Mahkamasining 26-apreldagi farmoyishi asosida bugun yurtimizda «Mahalla obodligi — yurt farovonligi» shiori ostida umumxalq xayriya hashari bo`lib o`tmoqda. Toshkent kimyo-texnologiya instituti Shahrisabz filialida ushbu xayriya hashari ko`tarinki kayfiyatda o`tmoqda. Erta tongdan filial jamoasi ko`ngillilar qatorida o‘zi faoliyat yuritayotgan binoda hamda ko‘chalarda tozalik va obodonlashtirish ishlarini olib borishmoqda. Barchani umumxalq hasharida faol bo’lishga chaqirib qolamiz.

2022-yilning 28-aprel kuni Toshkent kimyo-texnologiya instituti Shahrisabz filialida “Butunjahon mehnatni muhofaza qilish kuni” munosabati bilan davra suhbati bo’lib o’tdi. O’tkazilgan davra suhbatida Qashqadaryo viloyati Mehnatni muhofaza qilish Davlat inspeksiyasi inspektori Baratov Abdusalom Karimovich hamda filial professor-o’qituvchilari, ishchi xodimlari jamoasi ishtirok etdi. Davra suhbatini filial o’quv ishlari bo’yicha direktor o’rinbosari B.Sirojov kirish so’zi bilan ochib berdi. Davlat inspeksiyasi inspektori Abdusalom Baratov filial jamoasiga ushbu sana munosabati bilan amalga oshiriladigan tadbirlar, mehnat jamoalarida mehnatni muhofaza qilish xizmatining ahamiyati, mehnatni muhofaza qilish qonunlari, ish vaqtida, ishdan tashqarida yuzaga kelishi mumkin bo’lgan jarohatlar va shikastlanishlar, bu holatlardan mehnat jamoasi a’zolarini himoya qilish va sug’urtalash tartiblari haqida bayon qildi. Davra suhbati davomida filial mehnatni muhofaza qilish muhandisi Ruslan Shoyimov va kasaba qo’mitasi raishi Sunnat Niyozovlar tomonidan Mehnat qonunchili va mehnatni muhofaza qilish masalalari bo’yicha taqdimot namoyish qilindi.