Toshkent kimyo-texnologiya instituti Shahrisabz filialida O‘zbekiston Respublikasi Oliy ta’lim, fan va innovatsiyalar vazirining 2023-yil 9-martdagi 48-sonli buyrug‘i, “Talaba va yoshlarnining vaqtini mazmunli tashkil etish maqsadida amalga oshirilgan ilmiy-innovatsion, ma’naviy-ma’rifiy, sport tadbirlarini tashkil etish bo‘yicha chora-tadbirlar rejasi” ijrosini ta’minlash hamda “Interesting 7 Days” loyihasi bo‘yicha tadbirlarni tashkil etish maqsadida iqtidorli talabalar o‘rtasida shaxmat musobaqasi bo`lib o`tdi.
Musobaqa Iqtidorli talabalarning ilmiy-tadqiqot faoliyatini tashkil etish sektori muhandisi G.Ataullayeva hamda sport murabbiylari tomonidan tashkil etildi.
Tadbirda Yoshlar masalalari va ma’naviy -ma’rifiy ishlar bo‘yicha direktor o‘rinbosari F.F.Xidirov, “Aniq va tabiiy fanlar” kafedrasi mudiri T.Primov, matematika fani katta o`qituvchisi Sh.Qurbonov, professor-o`qituvchilar hamda talabalar ishtirok etishdi.
Yoshlar masalalari va ma’naviy -ma’rifiy ishlar bo‘yicha direktor o‘rinbosari F.F.Xidirov kirish so`zi bilan ochib berib, o‘z nutqida 2026-yil shaxmat bo‘yicha Jahon chempionatining O‘zbekiston Respublikasida o‘tkazilishi munosabati bilan filial talaba yoshlariorasidan shaxmat bo‘yicha iqtidorlilarini saralab olinishiga omad tiladi.
Ikki kun davom etgan qizg‘in bahslardan so‘ng quyidagi talabalar g‘olib deb topildi:
1-o`rin TMJ yo`nalishi 8-21 guruh talabasi Jalilov Quvonchbek Bekzod o`g`liga,
2-o`rin TJA yo`nalishi 4-21 guruh talabasi Salimov Shohbek Panji o`g`liga,
3-o`rin esa TJA yo`nalishi 4-20 guruh talabasi Xurramov Behruz Akmal o`g`liga nasib etdi.
Filial direktori professor Sh.A.Mutalov tomonidan taqdirlash marosimi 8-may kuni bo`lib o`tadi.