Kitob — insonning eng yaxshi doʻsti, u kishini fikrlashga undaydi, tafakkur manbaini kengaytirishda muhim oʻrin tutadi. Shuning uchun kitobga muhabbat, uni qadrlash, oʻqishga boʻlgan ishtiyoq xalqimizga xos xususiyatlardan biri hisoblanadi.
2022-yil 8-aprel kuni Toshkent kimyo-texnologiya instituti Shahrisabz filialida Axborot-resurs markazi xodimlari tomonidan Shahrisabz shahar “Eksklyuziv” kitoblar do‘koni hamda Yakkabog` tumani “Kitoblar olami” YaTT do`konlari bilan hamkorlikda kitoblar yarmarkasi bo’lib o’tdi.
Ushbu yarmarkada turli xil zamonaviy hamda o‘zbek mumtoz adabiyoti asarlari bilan bir qatorda, jahon adabiyotiga doir qiziqarli badiiy kitoblar va ilmiy adabiyotlar ko‘rgazmasi namoyish etildi.
Yarmarkada filial professor-o‘qituvchilari va talabalari faol ishtirok etib, ko`plab kitoblarni xarid qilishdi.
Talabalarda maʼnaviy intellektual salohiyati va dunyoqarashini yuksaltirish va kitob mutolaasi madaniyatini targʻib qilish maqsadida tashkil etilgan kitob yarmarkasi talaba-yoshlar qiziqishiga boy boʻldi.
