Assalomu alaykum muhtaram mehmonlar, aziz ustozlar va qadrli talabalar!
Barchangizni O’zbekiston Respublikasi davlat mustaqilligining 31 yilligi hamda yangi o’quv yilining boshlanishi “Bilimlar kuni” bilan chin qalbdan tabriklaymiz.
Sizga ma’lumki oliy ta’lim tizimida yaratilayotgan imkonyatlarni sanab ado etib bo’lmaydi. Jumladan 2030-yiligacha bitiruvchi yoshlarni 50 foizini oliy ta’limga qamrab olish o’quv jarayoniga kredit-modul tizimini joriy etish, zamonaviy bilim olish va ilmiy tadqiqotlar bilan shug’illanishga keng imkoniyatlar yaratilmoqda. Bularni barchasini mohiyatida mamlakatimizda yoshlarga oid davlat siyosatining oqilona yuritilishidir. Chunki yoshlar tom ma’noda mamlakatimizning eng katta boyligi, bebaho xazinasi hisoblanadi.
Bu yil ham soni qariyb 170 taga yetgan OTM lariga 1mln 200 dan ortiq abiturientlar hujjatlarini topshirib, test sinovlarida adolatli bellashib, o’zlarining bilimiga bo’lgan tirishqoqliklari, qolaversa omadli ekanliklari sababli buni TKTI Shahrisabz filiali talabasi bo’lishi baxtiga muyassar bo’ldilar.
Aziz jamoa kelinglar shu baxtli yoshlarni talaba bo’lganliklari bilan qizgin tabriklab qo’ysak. Aziz talabalar!
Sizlarni har tomonlama yetuk kadr bo’lib bilim olishingiz uchun filialda barcha sharoitlar yaratilgan, shijoatli o’z kasblarini haqiqiy egalari bo’lgan ustozlar sizlarga bilim berishga shay bo’lib turibdilar.
Aziz yoshlar, kelinglar bir fikr qilaylik, bugun siz erishgan bunday baxtni mahkam ushlash kerak. Bugun sizda qiyin topilmaydigan 4 ta baxt va imkoniyat bor.
1. O’qishga qatnab bilim olishingiz uchun boshingizda ota-onalar sharoit yaratib turibdi.
2. O’zingiz aql-idrokli sog’lom yoshlarsiz.
3. 4 yil o’qish davomida sizni chalg’itmaydigan vaqt bor.
4. Mana siz talaba bo’ldingiz.
Mana shu 4 baxt va imkoniyatni bilim olishga og’ishmay baxshida qilsangiz, bu davr sizning hayotingizda tub burilish bo’lishi, kelajagingiz uchun ulkan imkoniyatlar eshigi ochilish mumkin.
Buyuk mutafakkir Sh. Rumiy xazratlari aytadilarki: “Xech kimga xech narsani o’rgatib bo’lmaydi, faqat yo’l ko’rsatiladi, bu yo’lni esa har kim o’zi bosib o’tmog’i lozim” deydilar.
Biz ishonamizki ertangi kelajak uchun kerakli bo’lib, ota-onalaringizni orzu-umidlarini ro’yobga chiqaradigan baxtiyor yoshlar bo’lasizlar.
Bilim cho’qqilarini egallashingizga omadlar tilaymiz.
TKTI Shahrisabz filiali direktori Sh.A. Mutalov.