Toshkent kimyo-texnologiya instituti Shahrisabz filialida  “Ekstremizm, terrorizm va turli xil yod g’oyalar hamda korrupsiya xalq kushandasi” mavzularida  talabalar orasida ijtimoiy-ma’naviy muhit barqarorligini ta’minlashga mas’ul bo’lgan direktor maslahatchisi G’.Yangiboyev, tyutorlar I.A’zamov hamda R.Bozorovlar  19-21 guruh va 20-21 guruh talabalari bilan davra suhbati tashkil etildi.

Suhbatda milliy va umuminsoniy qadriyatlarga hurmat bilan qarash, qat’iy hayotiy e’tiqod va qarashlarga ega bo‘lish, hozirgi  internet asrida zamonaviy uyali aloqa vositalarini samarali ishlatish, ijtimoiy tarmoqlardan to’g’ri va mazmunli   foydalanish kerakligi ta’kidlandi.

Talabalarga filialning  ichki tartib qoidalari  haqida so’z borib, odob-axloq kodeksi haqida ham fikr yuritildi, uning mazmun mohiyati to’liq tushuntirildi.

Davra suhbatida talabalar ham o’z savollari bilan faol ishtirok etishdi.